Лавров место на самит заврши во болница на Бали, Москва демантира

Рускиот министер за надворешни работи Сергеј Лавров беше пренесен во болница по слетувањето на Бали каде што требаше да присуствува на самитот на Г20.

Тројца индонезиски владини и медицински претставници изјавиле дека рускиот дипломат е хоспитализиран, но одбиле да бидат идентификувани бидејќи не се овластени јавно да зборуваат за тоа прашање.

Двајца од нив рекле дека Лавров имал проблеми со срцето.

Но од Министерството за надворешни работи на Русија ги демантираа наводите, велејќи дека се лажни вести.

Портпаролката на руското МНР, Марија Захарова, штотуку објави видео на нејзиниот профил на Телеграм, на кое се чини дека Сергеј Лавров работи на маса пред неговиот хотелски апартман на Бали и реагира на веста дека е објавено дека е во болница.

Ројтерс пренесува дека во видеото Лавров вели: „Ова е еден вид игра што не е нова во политиката. Западните новинари треба да бидат повеќе вистинити – тие треба да ја напишат вистината“.

Сепак, гувернерот на Бали изјави дека Лавров е во добра здравствена состојба и дека бил во болница на преглед.

Lavrov at his hotel in Bali. Says reports about his health are a "political game" https://t.co/OddllPDgq7 pic.twitter.com/GKu0Ffo1st

— Pjotr Sauer (@PjotrSauer) November 14, 2022