Кроација осигурување со раст на пазарот од 44 отсто

Кроација осигурување заклучно со третиот квартал од годинава забележа раст на бруто полисирана премија од 44 отсто и истиот е највисок на осигурителниот пазар, покажуваат најновите податоци на Националното биро за осигурување (НБО). Во апсолутен износ растот е 148 милиони денари (2,4 милиони евра), соопштија од компанијата.

Притоа, Друштвото има раст во сите класи на осигурување, а најмногу во класата доброволно здравствено осигурување, каде заклучно со третиот квартал од годинава има 16 отсто пазарно учество.

Кроација осигурување е единствена и прва компанија која на пазарот воведе покритие за трошоци за лекување поради Covid 19 со што на клиентите им обезбеди заштита на она што во моментов претставува најголема потреба, се вели во соопштението до медиумите.