Крај на бумот? Паѓаат цените на недвижностите во САД и Германија

Она што експертите го предвидуваа со месеци, почна да се остварува во изминатите неколку дена – по неколку години постојан раст до рекордни височини, цените на недвижностите почнаа да паѓаат, а бранот на намалувања на цените ги погоди главно пазарите во САД и Германија. . Анализата на Redfin покажа дека повеќе од 60.000 договорени набавки на семејни куќи во САД паднале во текот на јуни, што претставува речиси 15 отсто од зделките склучени на тој пазар.

Ова е најголемиот пад од април 2020 година, кога првиот бран на пандемијата донесе страв, па многумина се откажаа од големите инвестиции. Сега пандемијата е заменета со инфлација, која достигна 9,1 отсто во САД, што е најголем скок од ноември 1981 година. На повлекувањето на купувачите во овој случај влијаеше и зголемувањето на стапките од 75 базични поени од страна на Федералните резерви во јуни, така што просечната обврска за 30-годишна хипотека се искачи на 6 отсто.

Иако експертите се уште се сомневаат дали ќе има целосен колапс или ова е само продолжување на забавувањето на растот, бројни медиуми ја дочекаа веста со коментари како „крајот на бумот“ и „играта е завршена“. За падот на цените на недвижностите вчера пишуваше и германски Шпигел, кој наведува дека во најмалку десетина од најголемите градови во земјата започнала надолна траекторија.