Коматозниот Алексеј Навални пренесен во Германија на лекување

Рускиот опозициски лидер конечно префрлен во Берлин откако лекарите го дозволија неговиот транспорт од градот Омск

Авион опремен како брза помош со рускиот опозициски активист Алексеј Навални слета на берлинскиот аеродром „Тегел“, според податоците за следење на летот.

Германските лекари долетаа во сибирскиот град Омск во петокот за да го евакуираат Навални, долгогодишен противник на претседателот Владимир Путин, на барање на неговата сопруга и сојузниците за да може да добие третман за сомнително труење по што падна во кома 36 часа.

Портпаролот на Навални, Кира Јармиш, објави дека авионот летнал кон Берлин. Таа рече дека „борбата за животот и здравјето на Алексеј е само почеток“.

Лекарите кои го лекувале Навални го дозволија неговото заминување по напнатата 12-часовна препирка со семејството и неговите помошници, кои рекоа дека животот на Навални е во опасност во Русија.

„Пациентот е во стабилна состојба… ние не се противиме на негово пренесување во друга болница, како што тоа ќе го посочат неговите роднини“, рече заменик-главниот доктор Анатолиј Калиниченко во петокот вечерта, со што е сменета првата одлука за задржување на Навални во болницата поради медицински причини.

Сопругата на Навални апелираше директно до Владимир Путин да дозволи евакуација. Медицински авион, овластен од германска невладина организација, чекаше на аеродромот во Омск уште од рано во петокот наутро да го однесе во берлинската болница „Шарите“.

Јармиш рече дека болничките службеници одеднаш ја смениле својата позиција во петокот навечер. „Жално е што требаше толку долго за лекарите да ја донесат оваа одлука. Авионот чекаше уште од утрово, документите исто така беа подготвени тогаш“, рече Јармиш.

Во писмото упатено до администрацијата на рускиот претседател порано во текот на денот, Јулија Навална напишала дека на нејзиниот сопруг „му треба квалификувана медицинска помош“ и побарала дозвола за превоз на Навални во Германија.

Навални, жесток критичар на Путин, кој е во кома и на респиратор одеднаш се разболе на авионски лет во четвртокот. Портпаролот на Кремљ претходно изјави дека ќе обезбеди помош при евакуација на опозицискиот критичар, доколку се побара директно.

Медицински авион, овластен од германска невладина организација, во петокот чекаше на аеродромот во Омск да го однесе во Берлин, откако нивните доктори, наводно, рекле дека состојбата на Навални е таква што тој ќе може да патува. Апелот до Путин уследи по денот на драматичните случувања во ургентната болница бр.1 во Омск, каде главниот лекар Александар Мураховски рече дека Навални не била отруен, но му било дијагностицирано метаболичко заболување предизвикано од низок крвен шеќер.

Тој рече дека тоа можело да предизвика колапс на опозициската фигура на летот за Москва во четвртокот, иако не објасни зошто не ја врати свеста повеќе од еден ден подоцна.

Поддржувачите на Навални рекоа дека веруваат дека болницата е под притисок да го одложи неговиот трансфер за да спречи соодветна истрага за тоа што ја предизвикало неговата ненадејна болест.

„Тие имаат наредба: не дозволувајте му да оди така што ќе биде невозможно за независна лабораторија да потврди отров“, напиша Леонид Волков, сојузник на Навални.

Мураховски рече дека Навални е премногу болен за да биде преместен и покрај тоа што само неколку часа порача дека неговата состојба се подобрила. „Сѐ може да се случи. Дури и најлошото може да се случи“, рече тој.

„Тој не е во многу добра состојба и не можеме да веруваме во оваа болница“, изјави Јулија Навалнаја пред новинарите во болницата во петокот наутро. „Бараме да го ослободиме за да можеме да го лекуваме во независна болница со лекари на кои им веруваме“.

Европскиот суд за човекови права соопшти дека примил барање за доделување привремено барање за Навални да биде пренесена во Берлин за лекување.

Иван Жданов, директор на Фондацијата за борба против корупцијата на Навални, рече дека полициски службеник му рекол дека пронашле „смртоносна материја“, но одбил да открие која, наведувајќи ја истрагата.

„Оваа супстанција претставува ризик за животот не само на Алексеј, туку и на оние околу него“, рекол полицискиот службеник, според Жданов. „Секој околу него треба да носи опрема за заштита“. (Гардијан)