Колкави се просечните плати во земјите во регионот: Македонија на опашката

Податоците за летото 2025 година покажуваат дека просечните плати во земјите од регионот се движат од 740 до 1.444 евра, пишува Банкар.ме.

Според најновите податоци, Црна Гора ја задржа втората позиција во регионот во однос на просечните нивоа на плати. Просечната нето плата без даноци и придонеси во август изнесуваше 1.015 евра, што е значително над просекот на соседните земји.

На врвот на листата е Хрватска, со просечна нето плата од 1.444 евра (јуни 2025 година), додека Србија е во средината, со просечна плата од 932 евра (јули 2025 година).

Во Федерацијата Босна и Херцеговина, просечната плата во август изнесуваше 797 евра, додека во Република Српска достигна 782 евра во јуни.
Најниските плати во регионот се забележани во Северна Македонија, каде што просечната плата во април оваа година изнесуваше околу 740 евра.

Во текот на летото 2025 година, разликата помеѓу најниските и највисоките просечни плати во регионот изнесувала повеќе од 700 евра.

Додека Хрватска и Црна Гора се издвојувале како земји со највисока просечна заработка, остатокот од регионот сè уште заостанува, особено Северна Македонија и Босна и Херцеговина.