Колективна депресија на руската телевизија по украинскиот контранапад
Изгледа дека руски експерти ја подготвуваат публиката за идните загуби на руската армија. Украинците сега се опишуваат како „огромна орда“
Соочени со растечката контраофанзива на Украина, руската пропагандна кампања почна да пропаѓа. Главните пропагандисти на Кремљ наеднаш ја сменија својата реторика и наместо да ги исмеваат украинските војници како „кукавички куп неспособни“, тие сега ги опишуваат како „огромна орда“, вооружена со најдоброто западно оружје и експерти.
На руската државна телевизија владее тага и загриженост, а се чини дека руски експерти ја подготвуваат публиката за идните загуби на руската армија.
За време на неговата радио емисија во средата „Фул контакт“, главниот пропагандист на Кремљ Владимир Соловјов се појави со видливи модринки на лицето. „ас сум загрижен. Се разбира, сакаме нашите момчиња да ја скршат [другата страна] и да напредуваат, но животот не функционира така“, рече Соловјов.
До почетокот на вечерната емисија „Вечер со Владимир Соловјов“, гребнатинките на лицето на водителот беа покриени со шминка. Во разговор со заменик-претседателот на Државната дума на Руската Федерација Андреј Гуруљов, Соловјов се обиде да ја омаловажи својата првична реакција на неодамнешните загуби на Русија. „Другар генерал-полковник, вие секогаш зборувате толку убаво и убедливо. Смирете се луѓе, бидејќи се вртат секакви гласини. Можам само да замислам што ќе се случеше доколку Телеграм постоеше во 1942-1943 година“, рече тој. Гуруљов одговори: „Денес верувам дека има тешка ситуација на еден од нашите фронтови. Да, Украинците ги концентрираа своите јуришни трупи таму и почнаа да напредуваат“.
Руските крајнодесничарски блогери на Телеграм, тие сметаат дека Путин не води доволно жестока и брутална војна против Украина и Западот, а почнаа да се појавуваат коментари дека Путин треба да биде заменет со тврдокорен.
Како гостин во емисијата на Соловјов, воениот експерт Михаил Онуфриенко го отфрли терминот „специјална воена операција“ и се пожали: „Ова е тешка војна, тоа е голема војна, светот не видел војни од вакви размери од Втората светска војна… Паниката не ја поттикнува украинската страна, не киевскиот режим или западните извори, туку нашите патриотски [социјални медиуми] канали… Сепак, објективно гледано, ова е најуспешниот напредок на хунтата од 24 февруари… Очигледно немаме доволно војници за да ги задржиме… но тие не можеа да ја преземат Балаклија“.
Сепак, до четврток Украина ја врати Балаклија, стратешки важен град, а до саботата вечерта, Купјанск и Изјум.
Апти Алаудинов, командантот на чеченскиот одред „Ахмат“ на Рамзан Кадиров, се обиде да ја убеди публиката дека Балаклија и Купјанск немаат посебно значење за Русија. „Дозволете ми да ги уверам сите што мислат дека сме изгубиле нешто или сме поразени. Ќе ве потсетам на старата поговорка: губењето на битката не значи губење на војната“, рече тој. „Не грижете се, сѐ е во ред.
Но, тој набрзо беше демантиран од рускиот воен експерт Михаил Кодарионок, кој рече дека Купјанск е без сомнение важен бидејќи е раскрсница на железницата и автопатите.
„Тоа е логистичка база која ги снабдува сите наши војници лоцирани западно од реката Сиверски и Донецк. Влогот е голем“, рече тој.
Евгени Бузински, пензиониран генерал-полковник на руските вооружени сили, тврди дека украинската армија е преплавена од американски борци: „Не има само советници, туку и експерти. Мислам дека има илјадници американски советници и експерти на теренот во Украина, тие веројатно се присутни во секоја единица“.
Психозата достигнува такви нивоа што коментаторите во еден момент заклучуваат дека Украина повеќе не постои. Родион Мирошник, претставник на самопрогласената Луганска народна република, вели дека она што беше Украина, сега е само племе од странци што зборува англиски, кое се бори против Русија.
„Украина не постои. Денес тоа е само завојувано племе кое е опремено, обучено, финансирано и испратено да умре. Има толку многу видеа, толку многу англиски јазик во нивните редови… Многу е важно Украинците да зборуваат англиски затоа што тие треба да комуницираат директно со нивните менаџери. Нивното лингвистичко знаење брзо се развива бидејќи мора да зборуваат на тој јазик на НАТО“, рече Мирошник.