Која вакцина е најдобра? Споредете ги несаканите ефекти и потенцијалните ризици

Иако вакцината „АстраЗенека“ е во фокусот, реакции исто така беа забележани по употребата на вакцините и од другите производители

Речиси десетина земји ја продолжија во петокот употребата на вакцината на „АстраЗенека“ против КОВИД-19, откако регулаторите на ЕУ и на Велика Британија соопштија дека придобивките од имунизацијата ги надминуваат сите ризици.

Многу влади привремено паузираа со вакцинацијата, повикувајќи се на претпазливост додека чекаа здравствените регулатори да ги испитаат извештаите за ретки случаи на згрутчување на крвта кај луѓе кои примиле вакцина „АстраЗенека“.

Европската агенција за лекови (ЕМА) дојде до, како што го нарече, „јасен“ заклучок дека придобивките од вакцината во заштитата на луѓето од смрт поврзана со корона вирус или хоспитализација ги надминуваат можните ризици, иако надзорните органи дефинитивно не ја исклучија врската помеѓу вакцинирањето и необичните нарушувања на крвта.

Општо земено, вообичаените несакани ефекти од вакцините вклучуваат такви што влијаат на областа на инјектирање, како што се болка, црвенило или оток и оние кои влијаат на остатокот од телото, како замор, главоболка, болка во мускулите, треска, или гадење. Овие се обично нормални знаци дека вакцината работи додека телото создава заштита.

                                                    ЗАЕДНИЧКИ ЕФЕКТИ

Извор: Управа за храна и лекови на САД; Агенција за регулирање на лекови и здравствени производи на Велика Британија; Ројтерс

Извештајот на ЕМА опфати 20 милиони луѓе на кои им била дадена вакцината АстраЗенека во Велика Британија и во земјите на Европската економска област (ЕЕА). Тој беше проследен со извештаи за околу 30 случаи на ретки тромби во крвните садови во мозокот.

ЕМА соопшти дека ќе ги ажурира своите упатства за вакцината за да вклучи објаснување за пациентите за потенцијалните ризици и информации за здравствените работници, за да им помогне на луѓето да препознаат случаи кога можеби ќе треба да побараат медицинска помош по вакцинацијата.

                  Број на сериозни нарушувања регистрирани во Европа

Забелешка: Податоци до 3 март. Овие симптоми се забележани по употребата на вакцината, но не е утврдена каузална врска. Извор: Европска база на податоци на извештаи за сомнителни несакани реакции на лекови

Иако вакцината АстраЗенека е во фокусот на неодамнешното внимание, други реакции исто така беа повремено забележани по употребата на вакцините од другите производители на лекови. Потребни се повеќе истражувања за да се утврди дали постои врска помеѓу тие состојби и вакцините – експертите велат дека бројот на случаи што досега биле регистрирани може да биде во согласност со стапките кај општата популација со или без вакцинација.

                            Некои симптоми пријавени по вакцинирањето

              Број на случаи на 1 милион примени вакцини

Белодробна емболија меѓу луѓето кои примиле вакцина AstraZeneca во ЕУ и Велика Британија: 1,3 случаи на милион

Анафилакса со Модерна: 2,5 случаи на милион

Анафилакса со Phizer/BionTech: 5 до 11 случаи на милион

                                               СПОРЕДБА НА РИЗИЦИТЕ

» Анафилакса кај оние кои примаат вакцина против хепатит Б: 1 случај на милион

» Белодробна емболија кај патниците кои имаат лет долг над 12 часа: 5 на милион

Тешка белодробна емболија е вид на длабока венска тромбоза (ДВТ). Исклучително ретко се случува по летовите што се пократки од 8 часа. Последователно, кај летовите над 12 часа, стапката е 5 случаи на милион

» Тромбоза на церебрален венски синус (CVST) кај обична популација: 5 на милион

ЦВСТ е редок облик на мозочен удар кој погаѓа околу 5 лица од 1 милион годишно. Ризикот може да биде поголем кај новороденчињата во текот на првиот месец

» Нарушувања на тромбоцитите по земање вакцина против рубеола: 50 на 1 милион – 1,5 милиони

» Венски тромбоемболизам кај жени кои земаат орални контрацептиви кои содржат дроспиренон: 1.000 на милион

Ризикот од развој на тромб кај жени кои користат орални контрацептиви што содржат дроспиренон би бил околу 10 на 10.000

Ризикот од развој на тромб кај жени кои користат други хормонски контрацептиви е околу 6 жени од 10.000.

» Венски тромбоемболизам кај жени кои земаат други хормонски контрацептиви: 600 на милион

» Нарушувања на коагулацијата по земање парацетамол: 1.000 на милион

Нарушувањата на коагулацијата може да влијаат кај 1 од 1.000 луѓе. Во иста пропорција други нарушувања на крвта, како што се намалување на тромбоцитите, бели крвни клетки и неутрофили во крвта и абнормално распаѓање на црвените крвни клетки

» Смртни случаи поврзани со коронавирус во САД заклучно со 18 март: 1.600 на милион

» Згрутчување кај бремени жени: 2.000 на милион

Вкупната преваленца на тромбоемболични настани за време на бременоста е приближно 2 на 1.000 породувања

» Нарушувања на крварењето по земање аспирин: 100.000 на милион

Околу 1 од 10 случаи може да доживеат зголемување на бројот на крварење од носот и / или подолго време на крварење

Извори: Администрација за храна и лекови на САД; Центри за контрола и превенција на болести; Европската агенција за лекови; Агенција за регулирање на лекови и здравствени производи на Велика Британија; Одделение за здравство на Владата на Австралија; Американска асоцијација за срце; Компендиум на електронски лекови во Велика Британија; Џон Хопкинс Медицина ; Вотсон ХГ, Баглин ТП. Упатства за венска тромбоза поврзана со патувања. Br J Haematol; РОЈТЕРС (Ројтерс)