Казахстан најави отворање на најголемото наоѓалиште за ретки метали во земјата

Казахстан денеска најави отворање на наоѓалиште што содржи околу еден милион тони ретки метали, наводно најголемото во оваа огромна централноазиска земја, богата со природни ресурси. Изјавата е објавена во пресрет на самитот Централна Азија-Европска унија во Узбекистан, на кој ќе присуствуваат лидерите на пет централноазиски земји, претседателот на Европскиот совет Антонио Кошта и претседателката на Европската комисија, Урсула фон дер Лајен.

-Тоа е моментално најголемото наоѓалиште на метали од ретки земји во Казахстан, кое содржи особено цериум, лантан, неодимиум и итриум, изјави портпаролот на казахстанското Министерство за индустрија.

Овие ретки елементи се важни за економијата, особено за технологиите за енергетска транзиција.

Европската унија е заинтересирана за ретките метали и природни ресурси на овој регион, кој историски е под влијание на Русија, но и поврзан со соседна Кина.