Јавна дебата „Како да се намали загадувањето на воздухот?“
Граѓанскиот инспекциски совет (ГИС), преку платформата Зум, денеска ќе одржи јавна дебата на тема „Како да се намали загадувањето на воздухот?“.
Целта на дебатата е граѓански активисти и претставници на институциите и инспекциските служби заеднички и транспарентно да ги разгледаат мерките за намалување на загадувањето и проблемите кои ја попречуваат нивната примена.
Предвидено е да стане збор и за подготвеноста на инспекциите за животна средина за вршење надзор на државно и локално ниво и за законите и подзаконските акти кои (не) се донесени, а се неопходни за поефикасно справување со загадувањето на воздухот, велат од Институтот за комуникациски студии.