Известувачот на ЕП, Томас Вајц, е во земјава. Се сретнал со раководството на Влен

Речиси инкогнито известувачот за Македонија во Европскиот парламент, Томас Вајц, е во Македонија. За тоа немаше никаква најава, а јавноста дозна од преку соопштение од Собранието, дека тој се сретнал со ракводството на Влен.

На средбата бил координаторот на пратеничката група на Влен, Беким Ќоку, вицепремиерот Беким Сали и градоначалникот на Чаир, Изет Меџити.

Според соопштението, на средбата била изразена благодарност за континуираната поддршка на Европската унија и Европскиот парламент за евроинтегративниот процес на државата, како и за поддршката на реформската агенда насочена кон зајакнување на владеењето на правото, демократијата и институционалната стабилност.

Се разговарало за актуелните политички состојби, реформските приоритети и следните чекори на патот кон полноправно членство во Европската унија, при што беше потенцирана потребата од одржување на реформскиот курс и силна политичка волја.