Излезеноста во Куманово до 13 часот е 18,83 проценти

До 13 часот излезеноста во Куманово е 18,83 проценти, во Липково, 5,43 а во Старо Нагоричане, 16,88 отсто.

Гласањето во овие три општини, информираат општинските изборни комисии, се одвива тековно.

Во Куманово денеска може да гласаат 86.009 лица на 167 избирачки места, вели претседателот на ОИК Куманово, Звонимир Николовски.

Во Липково право на глас имаат 25.363 граѓани на  36 избирачки места, соопшти претседателот на ОИК, Лирим Јашари.

Гласањето се одвива непречено и во Старо Нагоричане, информира Иван Ангеловски, потпретседател на ОИК. Во оваа општина право на глас имаат 3.329 граѓани кои гласаат на 38 избирачки места.