Изградени се 75 проценти од примарната гасификација во западот од државава, а 90-95 отсто во југот

Секундарната и терциерната мрежа за гасификација на државата ќе продолжи по решавањето на проблемот со ГАМА, информираше денеска министерот за животна средина и просторно планирање Насер Нуредини при посетата на Специјалната болница по гинекологија и акушерство „Мајка Тереза“ во Чаир, по повод завршување на проектот за гасификација на установата.

-Ова е само почеток, ова е една зградите која ја конвертиравме на гас, во однос на гасификација на државата, на запад верувам дека е изградена 75 проценти од примарната структура, а на југ 90-95 проценти, информираше Нуредини.

Прашан за постапката за прогласувањето на Шар Планина за национален парк, министерот рече дека законот е објавен на ЕНЕР и после законскиот рок ќе се разгледаат коментарите и законот ќе биде доставен за расправа во Парламентот.