Хорор во Охајо: Жена уби тригодишно дете на паркинг пред очите на неговата мајка

 Тригодишно момче починало како последица на повредите што му ги нанела жена на паркинг во продавница во американската сојузна држава Охајо, соопшти денеска локалната полиција, наведувајќи дека се работи за „случаен напад“.

Момчето и неговата мајка се враќале во својот автомобил откако пазареле во самопослуга во понеделникот, кога една жена ги нападнала со нож, повредувајќи ги двајцата, додаде полицијата. Момчето подоцна починало во болница, објави АП.

Една 32-годишна жена е приведена на местото на настанот во Норт Олмстед, предградие на Кливленд.

Медицинскиот патолог на округот го идентификуваше момчето како 3-годишниот Џулијан, додека полицијата не ја објави состојбата на мајката.