Хаос во Ротердам поради анти-ковид мерките – има повеќе повредени (видео)
Толпи демонстранти во пристанишниот град Ротердам во Холандија запалија автомобили и фрлаа камења кон полицијата која одговори со истрели и водени топови, откако протестите против построгите мерки за Ковид-19 станаа насилни во петокот вечерта, при што беа повредени седум лица, јавија агенциите.
„Пукавме предупредувачки истрели, а имаше и директни бидејќи ситуацијата беше опасна по живот“, изјави за Ројтерс портпаролката на полицијата Патриша Веселс.
„Знаеме дека најмалку две лица се повредени, веројатно како резултат на предупредувачки истрел, но треба дополнително да ја истражиме точната причина“, рече таа. Подоцна беше пријавено дека се повредени и полицајци.
Another video- A #Violent Anti-lock down protest is shaking the city! #Rotterdam, #Netherlands
Massive #protests against #vaccinations and new #Covid_19 restrictions are taking place right now in #Rotterdam. #explosions #burning #rotterdamprotest #netherland #lockdown pic.twitter.com/DClxIAif5k
— Chaudhary Parvez (@ChaudharyParvez) November 20, 2021
Новинската агенција ДПА објави дека најмалку седум лица се повредени и дека десетици се уапсени.
Некои луѓе на социјалните мрежи споделија слики од човек за кој рекоа дека бил застрелан од полицијата, но полицијата вели дека иако ги виделе фотографиите, сè уште не знаат како лицето било повредено.
Неколку стотици луѓе се собраа за да изразат противење на плановите на владата да го ограничи пристапот во внатрешни простории на луѓето без сертификат за КОВИД – доказ дека тие се вакцинирани или закрепнале од инфекцијата.
Another video- A #Violent Anti-lock down protest is shaking the city! #Rotterdam, #Netherlands
Massive #protests against #vaccinations and new #Covid_19 restrictions are taking place right now in #Rotterdam. #explosions #burning #rotterdamprotest #netherland #lockdown pic.twitter.com/yCsRm9FKtG
— Chaudhary Parvez (@ChaudharyParvez) November 20, 2021
Полицијата издаде итна наредба во Ротердам, го прекина јавниот превоз и им нареди на луѓето да останат дома. Беа употребени водени топови, а полицијата на коњи ја растеруваше толпата.
Властите, исто така, ги повикаа минувачите и луѓето кои ги снимаат немирите да им ги испратат снимките до полицијата за понатамошна истрага.
Police clash with protestors during anti-government protests. Two killed by police today. [#Rotterdam , the #Netherlands ]#rotterdamprotest pic.twitter.com/VD7sgqWsMf
— Oswaldo Royett (@oswaldosrm) November 20, 2021
Холандија повторно воведе некои мерки за затворање минатиот викенд во наредните три недели во обид да го забави повторното ширење на коронавирусот, но дневните инфекции останаа на највисоките нивоа од почетокот на пандемијата.
На видеото објавено на социјалните мрежи се гледаат запалени полициски автомобили и демонстранти како фрлаат пиротехнички средства и камења кон полицијата.
Rioters set police cars on fire in #Rotterdam , #Netherlands #rotterdamprotest pic.twitter.com/VOJ54onVst
— Oswaldo Royett (@oswaldosrm) November 20, 2021