Губи ли инфлацијата здив? Во септември помала за 0,2 отсто од август, но на годишно ниво и натаму високи 4 отсто

Инфлацијата мерена преку индексот на трошоците на животот во септември 2025 година во однос на претходниот месец е -0,2 отсто, покажаа податоците на Државниот завод за статистика објавени денеска. На годишно ниво, пак, таа и натаму е висока, четири отсто, во однос на септември лани, а истиот износ го има и ако се поредат првите девет мецеси годинава, со истиот период лани.

Намалувањето на инфлацијата во септември 2025 година, во однос на август 2025 година, е резултат на намалувањето на трошоците на животот во следните групи: Транспорт за 3,3 отсто, Ресторани и хотели за 1,3 отсто, Рекреација и култура за 0,7 отсто, Облека и обувки за 0,3 отсто, Разновидни стоки и услуги за 0,2 отсто и Храна и безалкохолни пијалаци за 0,1 отсто.