Главната државна банка на Кремљ објави дека Русија влегува во рецесија

По две години воен бум, кога рускиот БДП растеше со стапка од повеќе од 4 отсто годишно, руската економија се лизна во рецесија. Како што објави медиумуот РБЦ, оваа проценка ја направи Андреј Клепач, главен економист во ВЕБ, една од најголемите руски државни банки, која има статус на „државна корпорација за развој“ и ги финансира националните проекти на Кремљ.

Според пресметките на ВЕБ, во вториот квартал, БДП на Русија се намали за 0,6% во споредба со првиот квартал. А во првиот квартал, се намали за истите 0,6% во споредба со четвртиот од минатат година. Таквиот пад два квартала по ред (во споредба со претходниот 3-месечен период) се смета за „техничка рецесија“.

Индустријата се најде на работ на стагнација, со раст од 0,7% во јули. А индустриите за кои властите очекуваа да го заменат увозот паднаа во длабока рецесија: производството на облека – за 7% на годишно ниво, мебел – за 12%, електрична опрема – за 6,5%. Најсилната рецесија од почетокот на војната ја зафати металургијата, каде што производството се намали за 10,2% на годишно ниво.

Росстат сè уште не објави официјална проценка за кварталната динамика на БДП за април-јуни.

Економијата е под притисок од нерамнотежата што се акумулирала за време на војната, вели економистот на „Капитал економикс“, Лиам Пич. Милијардите евра што државата ги доделиа на војската, изведувачите и одбранбените постројки создадоа илузија за богатство. Но, цената дојде во форма на пораст на инфлацијата, зголемување на каматните стапки и растечки проблеми за бизнисите.

Според прогнозата на ММФ, руската економија ќе порасне за 0,9 отсто оваа година. Но, за Кремљ, краток период на низок раст е прифатлив, иако во комбинација со ниски цени на нафтата тоа ќе доведе до намалување на буџетските приходи.