Германија ќе забрани влез на граѓани кои не се од ЕУ до 31 август

Германија – До 31 август Германија планира да ја продолжи забраната за пристигнување  граѓани на држави што не се членки на Европската унија, изјавија неименувани извори од германската Влада. Тие нагласија дека таа одлука се очекува да биде објавена денеска.

Според нив, Берлин ги советува своите граѓани да не одат на крстарења поради посебните ризици од коронавирусот.

Германија е подготвена да ја укине забраната за патување за земјите членки на Европската унија и Велика Британија, Исланд, Норвешка, Лихтенштајн и Швајцарија од 15 јуни, освен ако не постои забрана за влез во тие земји и обемни рестриктивни мерки.

Минатата недела германскиот министер за надворешни работи Хајко Мас ги повика Германците да не патуваат во Велика Британија се додека таму е на сила 14-дневен карантин за туристите.