(Фото/Видео) Се запали камион кај Автокоманда
Попладнево на влезот во Скопје се запалил камион.
Наши читетели ни испратија видео и фотографии од камионот во пламен. Од него се издига густ чад.
Во близина на хотелот „Континентал“ во Автокоманда попладнево е запалено товарно возило.
На терен интервенира Територијалната противпожарна бригада на Град Скопје, а сообраќајот е отежнат за излез од Скопје.
Од Противпожарната бригада повеќе детали најавуваат за подоцна.
Попладнево, всушност, во скопската населба Автокоманда се запали камион на јавното претпријатие „Комунална Хигиена“.
Пожарот е изгаснат од страна на противпожарната бригада, која излегла на терен со 9 пожарникари (3 ПП возила) кои спречиле поголема штета.
Од таму велат дека се работело на комплексна интервенција.
„Камионот е грајфер кој што е товарен со картони, неговата шапа е заглавена, во моментот не е во функција. Се потрудивме и го локализиравме пожарот“, вели припадник на пожарна Скопје.