Филипче: Од 21 јануари кафеаните ќе работат до 21 часот

Министерот за здравство Венко Филипче кажа дека од 21 јануари угостителските објекти повторно ќе може да работат до 21 часот.

Тој посочи дека епидемиолошката слика во државава е стабилна и дека се намалува бројот на хоспитализации во болниците, слободни кревети има со што може да се дозволи враќање на работноте време на угостителите.

„Од 21 јануари сигурно е дека угостителските објекти ќе работат до 21 часот. Ќе се разгледува барањето и можноста да работат и до 23 часот. Мерките кои беа воведени пред Нова година додоа резултат, имаме стабилна состојба и засега друго олабавување нема да има“, рече министерот Филипче по посетата на Институтот за судска медицина.

Кафулињата и рестораните од 18 декември работат до 18 часот како дел од мерките на Владата донесени пред новогодишните празници, со цел да се спречат групирања и новогодишни прослави.