Европските акции во пад по новата криза на француската влада

Европските акции завршија со пад, бидејќи инвеститорите на берзите ги оценуваа корпоративните вести и политичките вести од Франција.

Така, паневропскиот Stoxx 600 го заврши тргувањето со пад од 0,45 проценти, а германскиот DAX изгуби 0,42 проценти, објави CNBC.

Францускиот CAC 40 падна за околу 1,64 проценти, откако премиерот на таа земја, Франсоа Бајру, објави дека ќе побара гласање за доверба во парламентот следниот месец во обид да ја зголеми поддршката за неговите буџетски планови насочени кон намалување на јавните трошоци за повеќе од 40 милијарди евра, пренесува Танјуг.