Европа го жнее тоа што го сееше, вели врвниот економист Џозеф Штиглиц

„Беше многу глупаво Германија и Европа да станат толку зависни од рускиот гас“, рече нобеловецот за економија Џозеф Штиглиц за „Политико“.

Штиглиц рече дека стремежот за „најниска цена на гасната енергија на краток рок, без размислување за ризиците што би можеле да бидат повлечени“ – особено од Германија – „рефлектираше неуспех на пазарот… пазарите не размислуваат долгорочно, тие не размислуваат, тие не го оценуваат ризикот“. Денешните вести за стопирањето на „Северен тек 2“ од Германија може да одразуваат нешто како корекција на тоа.

Штиглиц рече дека претходните одговори на руската агресија во Украина создадоа „момент на имунитет од последици“, рече тој. Москва имаше „добра причина да верува дека иако ќе воведеме санкции, тие можеби нема да бидат многу ефикасни“. Големата непозната беше одговорот на руските олигарси кои „процветаа во овој свет на живеење со предностите на Западот, а сепак слободни да прават работи во Русија“.

„Се обложуваме дека руските елити ќе бидат многу несреќни, но не знаеме колку несреќни и какво влијание имаат тие“, рече тој.