ЕУ воведува нова ознака која ќе го промени начинот на купување технички уреди
Европската комисија претстави ознаки за поправливост, т.е. „repair score“ за мобилни телефони и таблети. Тоа е првата категорија на производи што ќе ја носи етикетата низ ЕУ од средината на 2025 година.
Така, потрошувачот ќе знае при купувањето колку е лесно да се поправи производот во случај на дефект.
„Во средината на 2025 година, сите мобилни телефони и таблети ќе имаат ознака за поправливост. Истражувањата покажаа дека во Хрватска најчесто се расипуваат. Дури 94 отсто од граѓаните сметаат дека уредите треба да траат подолго, а издржливоста и достапноста на поправки се најважни фактори за нив при купувањето. Во случај на дефект, дури 81 отсто од граѓаните купиле нов уред бидејќи поправката на стариот била неисплатлива, а 90 отсто од граѓаните сметаат дека резервните делови се прескапи во однос на цената на новиот уред. Со оваа ознака ќе можеме полесно да го избереме најквалитетниот модел“, објаснува Билјана Борзан, пратеник во Европскиот парламент, пишува Пословни.хр.
Ознака за поправка или т.н резултат за поправка („repair score“) е развиен според францускиот пример и ја одразува достапноста на резервните делови, цената на резервните делови и достапноста на услугата.
„При купувањето, потрошувачот ќе може да избере производ кој е полесен за поправка, а производителите ќе почнат да се натпреваруваат за производство на поквалитетен производ. Досега ни продаваа мачка во вреќа и не тераа постојано да купуваме нови апарати“, вели Борзан.
Борзан е главниот автор и преговарач на Европскиот парламент за новиот закон за зајакнување на потрошувачите. Токму во овој закон таа се погрижи потрошувачите пред купувањето да бидат информирани за можностите за поправка.
„Додека ја чекаме ознаката за поправка за сите производи, трговците на мало ќе треба да го информираат потрошувачот при купувањето за достапноста и цената на резервните делови, како и за достапноста на упатствата за сервисирање и поправка. Ова ќе важи за сите производи на пазарот“, вели Билјана Борзан.