ЕУ во првиот бран планира да вакцинира 40 проценти од населението

Aнглија – Земјите на Европската унија, Велика Британија и партнерите од ЕУ се согласија за нацрт-план за вакцинација против Ковид-19 за најмалку 40 проценти од нејзините жители.

Целта на ЕУ за почетна вакцинација е двојно поголема од целта на Светската здравствена организација, која предвидува вакцинирање на 20 проценти од светската популација кои припаѓаат на најранливите групи, и оценува дека со тоа се намалува достапноста до вакцините за помалку развиените земји.

– Сите засега познати ризични групи веројатно ќе опфатат 40 проценти од населението, во зависност од демографската состојба во земјите, се вели во документот усвоен од здравствените експерти од земјите-членки на ЕУ на крајот на јули, како и Велика Британија, Швајцарија, Норвешка и Балканот.

Во документот се наведува дека повеќе од 200 милиони жители на ЕУ припаѓаат на „приоритетните групи“, меѓу кои има луѓе со хронични заболувања, стари лица и здравствени работници.