ЕУ бара пари од Бугарија: Место за туристи фондовите потрошени за приватни куќи

Европската канцеларија за борба против измами (ОЛАФ) во својот годишен извештај препорачува Бугарија да врати повеќе од 30 милиони евра според европските програми. Повеќе од 23 милиони евра од сумата се за изградба на 377 куќи за гости, кои наместо да се издаваат на туристи, се користат за лични потреби, пренесе БНТ.

Мора да се вратат пари за рекламирање на виното и за пошумување на земјишта кои не можеле да се пошумат.

ОЛАФ препорачува повеќе од половина милијарда евра да се вратат во европскиот буџет за проекти во сите земји на ЕУ. Главните случаи на откриени измами се поврзани со наводни пошумувања, царински злоупотреби и  нелегални активности за отпад.