Еден човек загина во земјотресот во Јапонија, тлото постојано се тресе
Силните потреси би можеле да продолжат „во следните два до три дена“
Откако утрово се случи силен земјотрес од 7,6 степени во Јапонија, избувна голем пожар, цунами бранови до 2 метра стигнаа до брегот, а еден човек загина.
Според светските агенции најмалку 30 згради и куќи се урнати, а под нив има заробено луѓе. Властите повикаа на евакуација, затоа што предвидувањата се дека во следните два до три дена ќе има силни потреси, кои би требало да се намалуваат во јачина во следните две недели.
Јапонската метеоролошка агенција издаде предупредување за цунами по должина на западните крајбрежни области на префектурите Ишикава, Ниигата и Тојама.
BREAKING: Japan Meteorological Agency says a powerful 7.6-magnitude earthquake has struck Ishikawa Prefecture. Credit: HAB pic.twitter.com/Y4ZW60wR0q
— Nahel Belgherze (@WxNB_) January 1, 2024
Еден човек загина
Еден човек загина откако се урна зграда во Ишикава по денешните земјотреси, јави јапонската телевизија НТВ.
Нов силен земјотрес во Јапонија
Нешто по 15 часот Јапонија ја погоди нов силен земјотрес, јавија јапонските медиуми. Подоцна беше утврдено дека новиот земјотрес не бил ни блиску до утринава, односно неговата јачина е околу 4,6 степени.
BREAKING:
Huge 7.6 magnitude earthquake that struck western #japan and superstore and buildings are collapsing.#earthquake #tsunami #SouthKoreapic.twitter.com/XTv1HJIbo2— Hsnain 🕊️ (@Hsnain901) January 1, 2024
Земјотресот беше силно почувствуван во зимскиот камп
Туристите кои презимуваа во јапонскиот планински регион Нагано за почетокот на сезоната на снежни спортови беа меѓу оние кои го почувствуваа ударот од денешниот земјотрес.
Џони Ву, тајвански сноубордер, чекал автобус назад во неговиот хотел во одморалиштето Хакуба кога потресот се почувствувал.
„Тогаш сите беа во паника“, изјави 50-годишникот.
Висок ризик од колапс и нови потреси
Јапонската метеоролошка агенција денеска одржа втора прес-конференција. Претставник на агенцијата предупреди дека се уште постои „многу висок ризик“ од уривање на згради, а силните потреси би можеле да продолжат „во следните два до три дена“.
Тој ги повика луѓето во крајбрежните области да се евакуираат и им порача на жителите: „Заминете на безбедни места“. „Постои многу висок ризик од уривање на згради и други штети предизвикани од земјотреси. Историјата ни кажува дека земјотреси од слични размери може да се повторат во рок од два до три дена“, нагласи тој.
HAPPENING NOW: First visuals of HUGE wave hitting Suzu City in Japan#Earthquake #Japan #tsunami pic.twitter.com/1KH8D5yCTw
— JAMES – ONTHERIGHT (@Jim_OnTheRight) January 1, 2024
Регистрирани се повеќе од 50 земјотреси
Повеќе од 50 земјотреси денеска ја погодија Јапонија, покажуваат податоците на тамошната метеоролошка агенција. Земјотресите започнаа во 7 часот и 10 минути по локално време, а беа со магнитуда од 3,1 до 7,6 степени според Рихтеровата скала. Епицентарот на повеќето земјотреси бил во близина на Ното во Ишикава.
Најмалку 30 згради се урнаа во најтешко погодената префектура
Најмалку 30 згради досега се урнаа во Ишикава, соопшти локалната противпожарна служба во градот Ваџима. Префектурата долж западниот брег на Јапонија беше епицентарот на денешниот земјотрес со јачина од 7,6 степени по Рихтер, а досега беше погодена од повеќе од 20 последователни потреси.
Претходно, главниот секретар на јапонскиот кабинет Јошимаса Хајаши изјави дека некои згради се урнале, а голем број луѓе се заробени внатре. Сè уште нема потврдени жртви или повредени, но Хајаши вели дека ситуацијата е сè уште нејасна.
Јапонија го намали нивото на предупредување за цунами
Јапонија го намали рејтингот на своето „големо предупредување за цунами“, кое укажува на опасност од бранови од 3 метри или повеќе, за полуостровот Ното во Ишикава. Наместо тоа, беше издадено помалку сериозно „предупредување за цунами“ за областа.
Информацијата дојде откако американскиот центар за предупредување од цунами во Пацификот соопшти дека заканата од цунами долж западниот брег на Јапонија „во голема мера поминала“.
🇯🇵 The roads have cracked open 🇯🇵
Another earthquake warning issued.
Very high waves are approaching the coasts.#earthquakes #japan #japanese #japannews #tsunami #NewYear pic.twitter.com/fXH0DgdA5Z
— Aditya Rathore (@imAdityaRathore) January 1, 2024
На локалното население им се советува да „бидат внимателни“ за какви било промени и да ги следат упатствата издадени од властите. Тие предупредија дека сè уште може да има „мали флуктуации“ во нивото на плимата и осеката во текот на „следните неколку часа“.
🇯🇵📸SHOTS FROM GROUND ZERO.#earthquakes #japan #japanese #japannews #tsunami #NewYear pic.twitter.com/hlkMlET1CO
— Aditya Rathore (@imAdityaRathore) January 1, 2024
Новинарката на Би-Би-Си, Сурањана Тевари, скијала на јапонските Алпи, во одморалиштето Хакуба, кога се случил земјотресот. Хакуба се наоѓа во префектурата Нагано, која се граничи со една од префектурите каде што се издадени предупредувања за цунами.
Брановите на некои места веќе стигнаа до брегот
Цунами брановите веќе стигнаа до брегот во некои области. Жителите кои живеат во близина на крајбрежните области и реките се повикани да се евакуираат на повисоките места. Официјални лица предупредуваат дека цунами може постојано да ги погодува крајбрежните области и дека може да следи уште еден силен земјотрес во наредните денови.