Двегодишно дете во Русија починало откако проголтало 18 магнети

Во рускиот град Губкински во автономниот регион Јамал-Ненец, двегодишно дете починало откако проголтало 18 мали магнети, објави info24.ru. Родителите тоа го забележале дури по извесно време и веднаш отишле во болница, пренесува Телеграмскиот канал „Реал Нојабрск“.

„Трагедијата се случи во селото Пурпе. Двегодишниот Матвеј проголта 18 мали магнети кои ги нашол додека си играл. Родителите веднаш повикале брза помош, но детето починало три часа подоцна”, се вели во објавата.

Според лекарите, детето било во многу тешка состојба. Лекарите успеале да го дијагностицираат проблемот и се обиделе да го реанимираат, но не успеале да го спасат момчето. Извори на URA.RU наведуваат дека локалните судски власти во моментов ги истражуваат околностите на овој случај. Други детали за инцидентот се уште не се достапни.