Двајца врвни лекари загинаа утрово во сообраќајката кај Прилеп

Загинаа примариус доктор Александар Ристески, радилог и гинекологот д-р Никола Василевски. Животот го загуби и Фанче Јованоска рендген техничар во болницата

03/10/2024 11:23

 

БИТОЛА – Двајца врвни лекари од приватната болница „Плодност“ Битола, загинаа утрово во сообраќајката кај индустриската зона во Прилеп. Загинаа примариус доктор Александар Ристески, радиолог и гинекологот д-р Никола Василевски. Животот го загуби и Фанче Јованоска рендген техничар во болницата, дознава порталот „Апла“.

Примариус доктор Александар Ристески

Официјално СВР Битола соопшти дека на 03.10.2024 во 07.51 часот во СВР Битола било пријавено дека на патот Прилеп – Битола кај клучката Лагово се случила сообраќајна несреќа помеѓу патничко возило „тојота” со прилепски регистарски ознаки управувано од Н.В.(42) од Прилеп и сопатници А.Р и Ф.Ј., сите од Прилеп и товарно возило „волво“ со скопски регистарски ознаки управувано од Г.Р.(51) од Битола.

Д-р Никола Василевски

Во несреќата патничкото возило се запалило и на лице место починале тројцата патници во истото.

Смртта ја констатирал лекар од Итна медицинска помош Прилеп. Увидот го врши јавен обвинител и полициски службеници од ОВР Прилеп. Од 08.00 часот сообраќајот на патот А3 Прилеп- Битола кај с. Лагово е затворен за сообраќај во двата правци.

Од своите колеги се простија од од битолската болница „Плодност“. На официјалниот профил на Фејсбук тие напишаа трогателна порака: 

„Со длабока болка, тага и неизмерна жалост, ја примивме веста за тешката загуба на нашиот медицински персонал, кој денес загина во сообраќајна несреќа.

Прим. д-р Александар Ристески, врвниот македонски радиолог, спец. гинеколог д-р Никола Василески и радиолошкиот технолог Фанче Јованоска, ги загубија животите во тешката сообраќајна несреќа утринава, доаѓајќи на своите работни места од Прилеп.
 
Менаџерскиот тим и целиот персонал на Болница Плодност со неверување во текот на денот ја примија веста и со длабока тага им изразуваат почит на прерано загинатите колеги.
 
„Изразуваме длабоко сочувство до семејства на нашите колеги, за прераната загуба на нивните членови на семејствата. Секој од нив имаше свое посебно место во нашата болница и во нашите срца. Прим. д-р Александар Ристески беше врвен бренд во македонската радиологија, но и во светски рамки. Неговата десна рака и соработник, радиолошкиот технолог Фанче Јованоска, беше неизоставен дел од Одделот за рентген дијагностика. Спец. гинеколог д-р Никола Василески долги години беше дел од гинеколошкиот тим на доктори во нашата болница.
На достоен начин, Болница Плодност секогаш ќе ги памети нивните дела, но и нивните насмевки, топли зборови и секогаш отворени срца за пациентите и за колегите. Нивниот придонес ќе биде вечно запаметен и врежан во историјата на македонската медицина, но најмногу во аналите на историјата на Болница Плодност“, рече прим. д-р Таше Трпчевски, менаџер и сопственик на Болница Плодност.
Со соодветен комеморативен настан, Болница Плодност ќе им оддаде почит на трагично загинатите колеги“, се вели во објавата.

(A.Б.)

Поврзани содржини

Костадинов: Струмица е пред еколошка катастрофа
Реакција на Општина Карпош по кривичната пријава од МВР
Јаневска: Неопходна меѓуресорска соработка за грижа за менталното здравје на младите
Голема загаденост на воздухот во Кочани покажаа испитувањата на средношколците
До Нова година ќе проработат експресните патишта Прилеп – Градско и Ранковце – Крива Паланка
Магнетната резонанца во Поликлиника „Идадија“ ќе го забрза дијагностицирањето кај пациентите
Мисајловски и Лафчиски разговараа со нашите припадници на армијата во Либан
Дел од Општина Аеродром без вода