Двајца уапсени по тепачка пред ресторанот „Дукат“ во Капиштец

Вчера вечер околу 20 часот пред ресторанот „Дукат“ во скопската населба Капиштец се случила тепачка во која учествувале неколку лица.

Инцидентот се одвил на паркингот пред локалот, на булеварот „Митрополит Теодосиј Гологанов“, по што на местото веднаш интервенирале повеќе полициски екипи.

Од Министерството за внатрешни работи потврдија за 24 Инфо дека случајот е пријавен во 20 часот во СВР Скопје.

„Во СВР Скопје вечерва во 20 часот е пријавено нарушување на јавниот ред и мир на паркингот пред угостителски објект на улица „Митрополит Теодосиј Гологанов“. По интервенцијата на полициски службеници, лишени од слобода се две лица“, соопштија од МВР.

Полицијата работи на целосно расчистување на случајот и утврдување на мотивите за инцидентот.