„Дурмо турс“ и уште 10 други превозници казнети поради неправилности

„Дурмо турс“ и уште десет други превозници се казнети затоа што дејноста ја изврѓувале со неправилности, соопшти денеска Министерство за транспорт –Државен инспекторат за транспорт.

Во претходните денови се извршувале инспекциски надзори кои се спровеле согласно акционен план на Министерство за транспорт – Државен инспекторат за транспорт од страна на државните инспектори за патен сообраќај.

Во претходните три дена се извршени 138 контроли од кои се констатирани 21 неправилност кај правните и физичките лица при вршење на превоз на патници и стоки и за сите неправилности се изречени соодветни казни. За утврдените неправилности ќе бидат  информирани и Министерството за внатрешни работи и Јавното Обвинителство со цел нивно понатамошно постапување.

Во прилог се правните лица за кои е констатирана неправилност и за кои се изречени казни, и тоа:
1. Дурмо турс со седиште во Гостивар
2. Дени интернационал со седиште во Илинден
3. Свис мак алигега со седиште во Гостивар
4. Зем промет – компани со седиште на ул.Босилово, бр.13, Сарај
5. Словин Билјана со седиште во Охрид
6. Бис со седиште во Охрид
7. Пештер ДОО со седиште во Скопје – Чаир,
8. Димитриоски со седиште во Скопје – Гази баба
9. Хисари-ГД со седиште во Дебар
10. Инком бизнис со седиште во Куманово,
11. Палас експорт -импорт од Гостивар,
Исто така беа констатирани и неправилности кај 10 физички лица кои вршат дејности за превоз на патници и стока.
Воедно Министерство за транспорт – Државен инспекторат за транспорт инфорвмира дека преку сите државни инспектори, од понеделник, согласно донесениот Акционен план за инспекциски надзори при превоз на патници и стока, ќе спроведува секојдневни интензивни инспекциски контроли над превоз на патници и стока, проверка на документи
(лиценци, изводи од лиценци, дозволи, сертификати за професионална компетентност на возач, тахографи), надзор на безбедноста во сообраќајот и спречување на нелегален превоз.