Документарец за Сантана ја отвора филмската програма на „Скопје синема сити“

Филмот „Карлос“ во режија на Руди Валдез, посветен на големата музичка гитарска легенда Карлос Сантана, вечерва во 21 часот во киното „Мирно лето“ во Кинотеката, ќе го отвори 10. издание на фестивалот „Скопје синема сити“. Филмот се осврнува на животот на големата ѕвезда, кој од уличен музичар на 14 години стана седумкратен добитник на наградите „Греми“.

До 4 јули проекциите на филмовите ќе започнуваат во 20.15 часот во летното кино, а во случај на дожд, проекциите ќе бидат префрлувани во киносалата на Кинотеката.

Ова патување започна како визија и страст за музиката и филмската уметност, и денес, по десет години, повторно сме тука, вели Ненад Георгиевски, организатор на фестивалот.