Димитријевиќ: Тендерската мрежа на фирми води директно до кабинетот на Мицкоски
Александар Саша Димитријевиќ, генерален секретар на СДСМ, објави денес дека фирмата „Пирамид билдинг солушнс, фаворит за тендери во општините под контрола на ВМРО-ДПМНЕ, добила дури 51 тендер во вредност од 16 милиони евра.
„Преку нашата дигитална платформа МИЦКО.мк откривме и дека нејзиниот сопственик бил член на Избирачки одбор токму од ВМРО-ДПМНЕ. Тендерската мрежа се шири преку семејни и партнерски фирми, кои добиваат милионски договори од институции под контрола на власта.
АКТ откри и дека сопругата на газдата на „Пирамид билдинг солушнс“, Оливера Доновска, има фирма со Филип Гулевски, кој пак со друга фирма добива тендер за проектирање и изведба на спортски сали во општините Крушево и Аеродром во вредност од 1,1 милион евра од Министерството за спорт.
Денеска откриваме нова бомба, нов скандал, оваа пирамидална мрежа на тендери и фирми води директно до кабинетот на премиерот Христијан Мицкоски и неговиот шеф, Владимир Нелоски.Еве како: Оливера Доновска, сопругата на газдата на „Пирамид билдинг солушнс“, Петар Доновски, е сопственичка и управителка и на трговската фирма со облека ТРГО СТРОЈ ДОО Скопје, основана 2019 година.По доаѓањето на власт на ВМРО, или точно на 11.4.2025 година, како содружник во фирмата ѝ се приклучува Јовица Нелоски. Кој е Јовица Нелоски? Татко на Владимир Нелоски, шеф на кабинетот на премиерот Христијан Мицкоски.м Дали сега е јасно?
Во ВМРО секој функционер или негов роднина има фирма. А, како што покажавме имаат и тендери.161 тендер за една фирма, 51 тендер за фирма преку општини, 9 милиони евра за двајца вработени, 1,2 милиони евра за фирма блиска до ЗНАМ преку Пошта. Нема пари за поголема минимална плата, нема пари за плати, за пензии, има пари само за тендери. Тендер на овој, тендер на оној, фирма на еден роднина, фирма на друг роднина.
Ова е уште еден доказ, дека тендерските шеми и фамилијарните фирми освен што се партиски и фамилијарно поврзани, водат директно и до кабинетот на Мицкоски, соопшти Димитријевиќ.
Линк до видео: https://www.youtube.com/watch?v=7aKm-vpKcyE