Дијаз: Способни сме да го победиме Реал Мадрид во реваншот

Дефанзивецот на Манчестер Сити, Рубен Дијаз го коментираше претстојниот реванш натпревар против Реал Мадрид во Лигата на шампионите. Во првиот натпревар „граѓаните“ загубија од Шпанците со резултат 2:3. Реваншот меѓу екипите ќе се одигра на 19 февруари.

-Сега е прашање на верба. Колку веруваме во себе, колку веруваме дека можеме да одиме понатаму. Се разбира, точно знаеме како ќе играме во реваншот. И порано сме биле во вакви ситуации и прашање е само колку веруваме во успех. Добрата вест е дека ако веруваме во себе и дека ќе победиме, тогаш сме способни за се. Имаме доволно „огнена моќ“ да ги победиме сите. Но, мораме да веруваме во тоа“, ги цитираше зборовите на фудбалерот прес-службата на Манчестер Сити.