ЦУК: Пожар зад ОХИС, го изгаснаа четворица пожарникари

Пожар избувнал вечерва на стрниште зад фабриката Охис, соопшти Центарот за управување со кризи (ЦУК), но по интервенција на пожарникарите бил изгаснат.

Пожарот избувнал во 21:10 часот и бил надвор од кругот на Охид.

Горела сува трева, по што интервенирале четворица пожарникари со едно противпожарно (ПП) возило, наведе ЦУК.

Од институцијата информираат и дека во текот на денов се регистрирани 20 пожари на отворено.

Изгаснати се 18, а активни се два – во село Батинци во близина на школото и во село Блаце каде што гори нискостаблеста шума