Британските научници велат дека ова се 20-те најсилни болки – породувањето не е на листата

Експерти од британската национална здравствена служба направија листа на најболните состојби што може да ги доживее човек.

Иако болката и толеранцијата на болка се субјективно чувство, научниците тврдат дека тоа се објективно најсилните болки што некој може да ги доживее. Болките се наведени без посебен редослед, а многумина ги погоди тоа што на списокот ги нема породилните болки.

Така, според британските научници, ова се состојбите кои болат најсилно …

Кластер главоболка

Кластерните главоболки се неподносливи напади на хистамински главоболки на едната страна од главата, првенствено во пределот на очите и слепоочниците.

Херпес зостер

Вирусна инфекција која може да трае и до еден месец. Оваа болест е предизвикана од вирусот варичела зостер, истиот што предизвикува сипаници. По опоравувањето од сипаници, вирусот останува во телото и се активира по еден од нервите и на тој начин ја предизвикува болеста.

Адхезивен капсулитис („блокада“ на рамото)

Ова е најчеста причина за болка и вкочанетост на рамото кај луѓето. Болката и вкочанетоста може да траат две или три години пред да исчезнат спонтано, а во раните фази состојбата може да биде многу болна.

Фрактура на коска

Кршеница или фрактура на коска е повреда што резултира со нарушување на континуитетот на коските.

Срцев удар

Миокарден инфаркт или срцев удар е некроза (смрт) на дел од срцевиот мускул поради целосен прекин на протокот на крв во погодениот дел од срцевиот мускул.

Комплексен регионален синдром на болка

Синдром на комплексна регионална болка (complex regional pain syndrome – CRPS) е состојба на трајна и често оневозможувачка болка, зафаќа еден регион (обично раката) и често се јавува по траума која не одговара на сериозноста на нивото на болка. Постарото име за оваа состојба на хронична болка со придружни моторни и автономни симптоми е рефлексна симпатичка дистрофија или каузалгија.

Дискус хернија

Најчесто се јавува во лумбалниот и цервикалниот ‘рбет. Болката е предизвикана од притисокот на дискот (перница) сместен помеѓу двата пршлени и кој, во овој случај, се турка кон нервот што излегува од ‘рбетот. Тоа доведува до силна болка, пецкање, слабост на заболената нога, а во најтешките случаи до нарушување на мокрењето и празнењето на дебелото црево.

Фибромијалгија

Фибромијалгијата е хронична болест која се карактеризира со постојана болка и постојано чувство на замор и трае, во повеќето случаи, цел живот. Не ги оштетува мускулите, зглобовите, органите, не е опасен по живот и со текот на времето станува поднослив. Четири отсто од населението страда од тоа. Фибромијалгијата ја намалува работната способност и значително влијае на квалитетот на животот и расположението.

Болка после операција

Интервенциите на умерена траума може да предизвикаат значителна болка по операцијата.

Чир на желудникот

Гастритскиот улкус и дуоденалниот улкус може да се опишат како ограничено оштетување на мукозните мембрани на дигестивниот систем кои продираат во мускулниот слој на слузницата, оставајќи лузна за време на заздравувањето. Во развојот на болеста главна улога имаат инфекцијата со хеликобактер пилори, лековите, факторите на начинот на живот, тешкиот физиолошки стрес, но и генетските фактори.

Акутен панкреатит

Тоа е акутен воспалителен процес на панкреасот. Се јавува ненадејно и се карактеризира со силна болка. Болката обично се шири како појас околу горниот дел на стомакот.

Гихт

Гихт е име за група болести кои се карактеризираат со зголемена концентрација на уринска (мокраќна) киселина во крвта, напади на ненадејно воспаление (обично на еден) зглоб, наслаги на кристали на уринска киселина во близина на зглобовите, наслаги на кристали во бубрезите и бубрежни камења.

Ендометриоза

Ендометриозата е хронична болест која се карактеризира со појава на ткиво што ја обложува матката (ендометриум) на различни места во телото каде што инаку не би требало да се наоѓа, или каде било надвор од матката.

Тригеминална невралгија

Neuralgija N. trigeminus, позната и како tic douloureux, е хронична болка која се јавува во областа инервирана од петтиот церебрален нерв (N. trigeminus), еден од нервите со најголема област на инервација. ТН е форма на невропатска болка (болка поврзана со повреда или оштетување на нервите).

Воспаление на слепо црево 

Апендиксот (слепото црево) е дел од дебелото црево каде што се влева тенкото црево. Кога се вели дека некој имал апендицитис, тоа значи акутно воспаление на слепото црево или апендицитис. Се смета дека воспалението се должи на опструкција на отворот на слепото црево.

Камења во бубрезите

Камењата во бубрезите се формираат од кристали кои се таложат од урината и се акумулираат на внатрешните површини на бубрезите. Камењата во бубрезите најмногу ги погодуваат луѓето на возраст меѓу 20 и 40 години. Штом некое лице има повеќе од еден камен, поверојатно е дека ќе има повеќе.

Ишијас

Ишијасот е силна, остра болка во долниот дел на грбот која се шири на ногата низ глутеалната област, понекогаш сè до прстите.

Мигрена

Мигрената е функционална васкуларна пароксизмална главоболка која се јавува периодично и обично зафаќа половина од главата, па затоа зборуваме за хемикранија. Болката е често придружена со гадење, повраќање и визуелни нарушувања. Пред нападот често се јавува аура (пред-сигнал пред вистинскиот напад на мигрена).

Артритис

Ревматоидниот артритис е тешко, хронично, воспалително заболување на сврзното ткиво кое е најизразено на зглобовите. Во ова нарушување, имунолошкиот систем го напаѓа ткивото на ‘рскавицата, коските и понекогаш внатрешните органи.

Српеста анемија

Српеста анемија е наследна форма на анемија – состојба во која нема доволно здрави црвени крвни зрнца (еритроцити) за да носат соодветни количини кислород во телото.