Британците ќе изградат тунел вреден 2,2 милијарди евра во близина на Стоунхенџ

Стоунхенџ е еден од најпознатите праисториски споменици во светот, кој носи и сообраќајни проблеми за локалното население бидејќи во близина на знаменитоста се создава огромен сообраќаен метеж.

Сега британската влада одобри изградба на тунел вреден 2,2 милијарди евра веднаш до Стоунхенџ, пренесе „HAK“. Причината за изградба на тунелот е да се зголеми сообраќајниот капацитет и да се тргне сообраќајот надвор од видното поле на споменикот. Со оглед на тоа што А303 е главниот пат што ја поврзува Југозападна Англија со Лондон, пренасочувањето на сообраќајот околу Стоунхенџ очигледно не беше опција или премногу скапо, а поради тунелот, А303 има континуирана ширина од четири ленти наместо двете ленти што ги има во моментов.

Но, не е сè без контроверзии. Според Би-Би-Си, во некои области има силно противење на проектот, а Инспекторатот за планирање на владата на Велика Британија изјави дека тунелот ќе предизвика трајна и непоправлива штета на античкиот споменик. Местото е старо повеќе од 5.000 години и е заштитено со закон, што ја прави одлуката за негова изградба уште поневообичаена, без разлика на оправдувањата дека поради посетителите се создаваат застој во сообраќајот, што може да создаде десетици километри долги редици.