Алпите под снег – циклон носи студено време

Циклон ита кон југоисточниот дел на Европа, а пренесува многу топла воздушна маса од северот на Африка, во исто време, во задниот дел влече многу студена воздушна маса над централна Европа сè до Алпите и Панонската рамнина.

Силното заладување веќе го зафати поширокото подрачје на Алпите.

Ќе врне пороен дожд, а во крајбрежните области се очекуваат силни грмежи.

Во исто време снег веќе провејува на повисоките делови на Алпите, од француските Алпи на запад до словенечките Алпи на исток.

На овие предели веќе провејува многу обилен снег, а снежната линија е сè пониска.

Снег ќе провејува на овие предели во наредните два дена, особено денеска и утре.

Се очекува да наврне нов снег од 10 до 30 сантиметри локално и повеќе.

Најобилен снег се очекува на Алпите на југоистокот од Франција, во Швајцарија, на југот од Германија, на северот на Италија, на западот и југот на Австрија и во Словенија.

Снег веќе провејува во највисоките региони на Словенија.

Огромни количества снег ќе наврнат во пограничното подрачје на Италија, Словенија и Австрија над 1500 метри надморска височина, каде ќе наврне и до половина метар нов снег.

Температурите веќе значително паднаа под нулата во овие подрачја, со бурен северен ветер, кој создава снежни наноси и шут.

Со понатамошно заладување, се очекува снежната линија да се спушти на 1.000 метри, локално и пониско.