Алиса Лиу им го донесе на САД првото олимписко злато во уметничко лизгање за жени по 24 години

Дваесетгодишната Алиса Лиу им го донесе на Соединетите Американски Држави првото олимписко злато во уметничко лизгање за жени по 24 години.

Лиу изведе речиси беспрекорна слободна програма во четвртокот, оставајќи ги зад себе јапонските ривалки Каори Сакамото и Ами Накаи, кои направија грешки во комбинираниот скок.

Американката го заврши натпреварувањето со најдобар резултат во кариерата од 226,79 поени. Сакамото го освои среброто со 224,90 поени, додека Накаи заврши трета со 219,16 поени.

Лиу се повлече од спортот по Зимските олимписки игри во Пекинг во 2022 година, а потоа направи спектакуларен камбек во 2024 година за да се подготви за Олимписките игри во Милано и Кортина во 2024 година.

Таа им го донесе на САД првото индивидуално олимписко злато во уметничко лизгање за жени за прв пат од 2002 година, кога Сара Хјуз славеше во Солт Лејк Сити.

Да ве потсетиме дека Лиу им помогна на Соединетите Американски Држави да освојат злато во тимската конкуренција пред неколку дена.