Адел паузира од концертите во Лас Вегас поради болест

Лас Вегас– Адел ги одложи датумите за март на нејзиниот престој во Лас Вегас поради болест.

Британската пејачка се извини за во објава на социјалните мрежи, објаснувајќи како не се опоравила целосно откако се разболела на крајот од последната серија од нејзината резиденција Weekends With Adele во Колосеумот во Палатата Цезар.

„За жал, морам да го паузирам мојот престој во Вегас“, рече 35-годишната поп-ѕвезда, додека одложи пет викенди во март.

„И така, по наредба на лекарите, немам друг избор освен темелно да се одморам. Преостанатите пет викенди од оваа етапа се одложени за подоцнежен датум“.

Ова е втор пат како ѕвездата родена во Лондон ги одложува датумите на шоуто во Лас Вегас.

Во јануари 2022 година, таа објави, во емотивна порака во последен момент на социјалните мрежи, дека шоуто „не е подготвено“.

Се очекува Адел да се врати на последните пет закажани шоуа на Викенд со Адел во мај и јуни.

Одложувањата на серијата концерти на Адел во Лас Вегас кои се енормно посетени и се невиден спектакл, доаѓа откако пејачката на Someone Like You најави низа концерти на отворено во Европа, во Минхен, Германија, четири ноќи во август.

Концертите, во Минхен Месе, ќе имаат комбинација од трибини со седење и места за стоење со капацитет за 80.000 луѓе на вечер.

Тие го означуваат првиот пат кога Адел настапувала во континентална Европа од 2016 година.

Последен пат таа настапи во Велика Британија во јули 2022 година на фестивалот  во Хајд Парк.