Трамп заспал за време на говорот на Си


Си-Ен-Ен објави видео на кое се гледа како претседателот Доналд Трамп дреме за време на говорот на кинескиот лидер Си Џинпинг. 

<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F2265539400657098%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>

Инаку, трилатералната средба меѓу американскиот претседател Доналд Трамп, рускиот претседател Владимир Путин и кинескиот лидер Си Џинпинг завршила, според кинескиот државен медиум CCTV. Таа траела приближно час и половина.

Лидерите одржаа воведни говори пред почетокот на разговорите, наведувајќи дека, меѓу другото, ќе разговараат за нуклеарното разоружување и војната меѓу Русија и Украина. Сите ја истакнаа потребата од ангажман меѓу трите водечки нуклеарни сили. Како домаќин на трилатералната средба, претседателот Си Џинпинг изнесе предлог во четири точки за тоа како големите сили треба да градат односи. 

Си нагласи дека големите сили треба да се придржуваат до принципите на меѓусебно почитување, мирен соживот, соработка за заедничка корист, како и одржување на дијалог и комуникација. Си предупреди дека „без комуникација ќе се прошири сомнежот, а помалите несогласувања би можеле да прераснат во големи конфликти“.

Во последните години, Кина и САД имаа судири околу судбината на  Тајван. Кина постојано ги предупредува САД дека прашањето за Тајван претставува „црвена линија“ во билатералните односи, која САД не смеат да ја преминат.

Понатаму, Си предложи Кина, Русија и САД да одржуваат редовни контакти на високо ниво, да ги држат отворени каналите за дијалог на сите нивоа и да воспостават механизми за комуникација во кризни ситуации, со цел да се избегнат погрешни проценки.

 Разговорите во САД беа прогласени за историски бидејќи станува збор за прва заедничка средба на лидерите на САД, Кина и Русија –  Трамп, Џинпинг и Владимир Путин. Трамп изјави дека со оваа заедничка средба поставува „поинаков курс“ во надворешната политика, притоа надоврзувајќи се на ставот на Си за заедничката одговорност на лидерите да се вклучат во дијалог.

 Претседателот на САД претходно се сретна одделно со двајцата лидери. На Си му рече дека нивниот „извонреден личен однос“ е од голема корист за народите  во САД и во Кина, додека за Путин се изрази како за „мој пријател“.

 Во говорот пред азиските лидери во Кина, Трамп изрази претпазлив оптимизам во однос на вештачката интелигенција, нагласувајќи дека новата технологија бара внимателен пристап. Во интервју за „Фокс њуз“ (Fox News), Трамп ги повика Американците, кои се загрижени поради неодамнешните зачестени прекини во работата на технолошките системи во САД, „да се опуштат“, додавајќи дека станува збор за „поединечни инциденти“.

Средбата со Путин беше дел од серијата дипломатски разговори што двајцата лидери ги водеа за време на форумот.

„Имаме прекрасни односи веќе многу години. Се познаваме долго време и верувам дека од ова можат да произлезат многу убави работи – или, во најмала рака, да се постават темелите за нив. Но, навистина верувам дека такви работи навистина ќе произлезат од ова“, му рече Трамп на Путин за време на јавниот дел од средбата.

Според „Асошиејтед прес“, разговорот меѓу двајцата траел приближно 40 минути. Ова е нивна прва билатерална средба по разговорите одржани во Анкориџ, Алјаска, во август 2025 година – разговори кои не резултираа со договор за ставање крај на војната во Украина.

Средбата во Шенжен се одржа во услови на засилени дипломатски напори за изнаоѓање излез од војната во Украина. Претставници на САД водат паралелни разговори и со Москва и со Киев; меѓу темите што се разгледуваат се безбедносните гаранции по евентуалниот мировен договор, како и економската обнова на Украина.

Според првичните информации од Кремљ, билатералниот разговор меѓу Трамп и Путин не бил планиран како преговори од целосен обем. Сепак, средбата е значајна за одржување на директен дијалог меѓу Вашингтон и Москва по долготрајните тензии поврзани со војната.

Трамп инсистираше ограничувањето на нуклеарните арсенали да биде главна тема на дискусија. Истекувањето на договорот „Нов СТАРТ“ (New START) меѓу САД и Русија во февруари 2026 година претставува посебен предизвик. Американскиот претседател изрази желба за нов договор во кој би била вклучена и Кина. Сепак, Пекинг досега не покажа подготвеност да се обврзе на такви ограничувања, со оглед на тоа што неговиот нуклеарен арсенал е значително помал од оние на САД и Русија.

Средбата во Кина се одвива и во услови на трговски тензии меѓу Вашингтон и Пекинг, вклучително и ограничувањата за извоз на елементи од групата на ретки земји и пристапот до напредни полупроводници. Примирјето во трговскиот конфликт меѓу двете најголеми економии треба да биде обновено до јануари 2027 година.

И покрај симболичното значење на разговорите, меѓународните аналитичари не очекуваат дека една средба ќе доведе до брзи договори од голем обем во однос на нуклеарното разоружување или војните во Украина и Иран.