Бизнисменот Азманов физички нападнат во суд за време на рочиште

Бизнисменот Зоран Азманов, претседател на Надзорниот одбор и директор на градежната компанија „Настел“, утрово бил физички нападнат во Основниот граѓански суд во Скопје.

Според информациите, инцидентот се случил за време на судење, но не е јасно која била причината за нападот, ниту дали Азманов е повреден.

Азманов го пријавил случајот во полиција, потврдија од Министерството за внатрешни работи.

„Пријавено е дека во Основен граѓански суд З.А.(67) бил физички нападнат од Ѓ.С.(61). Се преземаат мерки за расчистување на случајот“, велат од МВР.