Хаос во Франција: Обилни дождови, поплавени куќи, eвакуирано население
Четири департмани на југот на Франција се под портокалово метеоролошко предупредување поради обилни дождови и ризик од поплави, додека 73 лица беа евакуирани на југот на Корзика во текот на ноќта, објавија денес надлежните служби.
Метеоролошката служба Метео-Франс го прошири предупредувањето на департманите источен Еро и јужен Гарс, кои се придружија на Корзика и Горна Корзика, објави BFM TV.
Предупредувањето е на сила од 10 часот наутро, а метеоролозите не ја исклучуваат можноста да се подигне на повисоко ниво доколку продолжат интензивните бури во истите области.
Une explosion a endommagé les locaux de la Corsica Linea dans la nuit du 5 novembre à Ajaccio. La façade du bâtiment ainsi qu’une voiture à proximité ont été endommagées. https://t.co/leRvd6WUrt
— ici RCFM (@icircfm) November 5, 2026
Префектурата Корзика објави дека 73 лица биле евакуирани синоќа и сместени во спортска сала во Порто Векио. Предупредувањето е испратено до жителите и лицата во општините Порто Векио и Сари-Соленцара од седум часот наутро.
Обилните дождови што ја погодија областа Порто Векио од среда доведоа многу луѓе во опасност, а 20 лица се спасени, вклучувајќи едно извлечено од возило што го однесе поројот, соопшти противпожарната служба на Јужна Корзика.
France: On the island of Corsica, Ghisonaccia has been cut off since just after 15:00 , with every road in and out closed. EDF Corse says 6,500 homes are without power, and 4,000 of them won’t be reconnected before Wednesday morning. https://t.co/l6wVAHIbdt
— Volcaholic 🌋 (@volcaholic1) October 20, 2026
Во департманите источен Еро и јужен Гар, денес се очекуваат обилни дождови, во текот на целиот ден во четврток, со врнежи од дожд што би можеле да надминат 120 милиметри.
Метеоролозите предупредија дека почвата е веќе заситена со вода поради обилните дождови во претходните недели.
Силни грмотевици проследени со интензивен дожд го погодија и Монпелје вчера.
Портокалово предупредување на Корзика се очекува да остане на сила до пладне во петок, додека се очекува да биде укинато на полноќ во четврток во департманите Гар и Еро.