Акциите во САД претежно паднаа по одлуката на ФЕД да ги зголеми каматните стапки

Акциите во САД вчера претежно беа во пад, бидејќи трговците ги одмеруваа последиците од првото зголемување на каматната стапка од страна на Федералните резерви (ФЕД) за три години. Индексот на берзата S&P 500 падна за 0,2 проценти, а „Дау Џонс“ за 244 поени, или 0,5 проценти, додека „Насдак“ остана претежно непроменет, објави Си-Ен-Би-Си.

Приносите на американските државни обврзници се зголемија, што имаше негативно влијание врз акциите.

Цените на нафтата исто така скокнаа, па така американската сурова нафта WTI се зголеми за околу еден процент, на приближно 103 долари (околу 87,8 евра) за барел, додека северноморската нафта Брент се движеше над 104 долари (околу 88,6 евра) за барел.

Акциите пораснаа еден ден откако Федералните резерви ја зголемија референтната каматна стапка за 0,25 проценти, со сигнал дека до крајот на годината може да следи барем уште едно зголемување.

Впечатливиот раст на акциите, првенствено на технолошките компании, во четвртокот укажува дека дел од инвеститорите повторно го насочуваат поголемото внимание кон развојот на вештачката интелигенција и очекувањата дека инвестициите во оваа технологија ќе продолжат да го стимулираат растот на профитот на компаниите, и покрај можноста за подолг период на повисоки каматни стапки и инфлација.