Лајен ќе ги прескокне Србија и БиХ за време на балканската турнеја

Претседателката на Европската комисија, Урсула фон дер Лајен, ќе ги прескокне Србија и Босна и Херцеговина за време на нејзината балканска турнеја, објави во петок, Европската комисија.

„За време на турнејата, претседателката фон дер Лајен ќе ги посети Тирана, Приштина, Подгорица и Скопје. Таму ќе се сретне со претседатели и премиери, како и ќе посети проекти финансирани од Европската Унија“, изјави портпаролката на Европската комисија, Аријана Подеста.

Посетата на четири земји од регионот е закажана помеѓу 30 септември и 2 октомври.

Се шпекулираше дека фон дер Лајен нема да ја посети Србија како дел од нејзината балканска турнеја поради политички и социјални тензии, а и погребот на Ратко Младиќ, осуден за воени злосторства и геноцид, предизвика силни реакции од ЕУ. Членовите на Европскиот парламент, исто така, ја повикаа шефицата на Европската комисија да не оди во Белград.