Сончево со локална облачност

 Во земјава денеска ќе преовладува сончево време со мала до умерена локална облачност. Ќе дува слаб до умерен ветер од југоисточен правец. Минималните температури ќе бидат во интервал од 8 до 16, а максималните ќе достигнат од 26 до 32 степени.

Во Скопје ќе се задржи сончево време со мала облачност. Ќе дува слаб ветер од југоисточен правец. Минималните температури ќе се спуштат до 13, а максималните ќе достигнат до 31 степен.

До сабота ќе се задржи претежно стабилно време. Во недела и понеделник ќе има повремени врнежи од дожд и услови за нестабилност со пороен дожд, појава на грмежи и засилен ветер. Од вторник поради продор на постуден воздух од север ќе има опаѓање на дневната температура.