Сестрите Вилијамс елиминирани по голема борба на УС опен

Сестрите Серена и Венус Вилијамс го завршија настапот на УС опен откако ноќеска беа совладани од Хао-Чинг Чан (Тајван) и Маја Џоинт (Австралија) со 2-1 во сетови по 3 часа и 2 минути игра во првото коло во конкуренција на женски двојки. Чан и Џоинт важеа за фаворитки и рангирани се како 14. носителки, додека за сестрите Вилијамс ова беше прв настап по учеството на УС опен во 2022 година.

Првиот сет им припадна на Чан и Џоинт со 6:3 во гемови, а следниот го добија сестрите Вилијамс со 7:6 (6). Во решавачкиот сет Серена и Венус губеа со 4:1 во гемови, но сепак се изборија за тај-брејк (се игра до десет освоени поени). Тие поведоа со 5:0 во поени, но должината на тај-брејкот им овозможи на Чан и Џоинт да дојдат до победа откако го добија тај-брејкот со 10:7.

Ова беше за првпат меч во конкуренција на двојки да се игра во првата недела од турнирот на главниот терен на УС опен, но атрактивноста на мечот тоа им го дозволи на организаторите.

Од ноќешната програма пласман во осминафиналето обезбедија Карлос Алкараз, Бен Шелтон, Данил Медведев и Стефанос Циципас кај мажите, како и Арина Сабаленка и Џесика Пегула кај жени.