Skip to content
18/11/2026
  • Импресум
  • Маркетинг
  • Услови за користење
Независен Весник
  • Политика
  • Македонија
    • Скопје
  • Економија
  • Свет
    • Балкан
  • Колумни
  • Фељтон
  • Култура
  • Сцена
    • Лајфстајл
  • Спорт
  • Хроника
  • Занимливости
    • Технологија
Search
Независен Весник
Search
  • Политика
  • Македонија
    • Скопје
  • Економија
  • Свет
    • Балкан
  • Колумни
  • Фељтон
  • Култура
  • Сцена
    • Лајфстајл
  • Спорт
  • Хроника
  • Занимливости
    • Технологија

ФОД: Депозитите сигурни, граѓаните имаат доверба и не се очекува повлекување на парите

20/10/2019 09:10

Граѓаните во банките чуваат 4,5 милијарди евра. Депозитите се безбедни и сигурни, порачуваат од Фондот за осигурување депозити и оценуваат дека граѓаните имаат доверба и ги чуваат парите во банките и покрај намалување на каматните стапки. Доколку почне оданочување на каматите на депозитите, од Фондот не сметаат дека тоа би влијаело на повлекување на парите од банките.

– Граѓаните имаат доверба во нашата институција, бидејќи од нејзиното формирање во 1997 година до денес секогаш навремено и во согласност со законските прописи биле обесштетени во случај на настанување ризичен настан, т. е. затворање на банка или штедилница. Довербата што граѓаните ја имаат во Фондот може да се види и преку постојаниот раст на депозитите на населението. Имено, граѓаните и покрај намалувањето на каматните стапки на штедењето се одлучуваат своите пари да ги чуваат во банките или штедилниците, каде што се безбедни и сигурни бидејќи се осигуруваат преку ФОД. Оттука, сметаме дека предложеното оданочување на каматите на депозитите нема воопшто да влијае врз повлекување на депозитите од банките, бидејќи тоа би значело и губење на нивната сигурност и приход врз основа на камата, истакнуваат од Фондот за осигурување на депозитите.

Оценуваат дека банкарскиот систем во земјава е стабилен, а депозитите на граѓаните редовно и без никакви проблеми се осигуруваат во Фондот за осигурување на депозитите во согласност со месечните пресметки на премиите за осигурување.

– Фондот за осигурување на депозитите постои заради осигурување на депозитите во денари и девизни средства, вклучувајќи ја и каматата на физичките лица кои се чуваат во банките, филијалите на странски банки и штедилниците во Република Северна Македонија. Во согласност со Законот за ФОД, секој депонент има право на обесштетување на износ до 30.000 евра во денарска противвредност по банка, филијала на странска банка или штедилница, објаснуваат од Фондот.

Според нивните податоци, депозитите на населението во септември годинава изнесуваат 273,9 милијарди денари или 4,5 милијарди евра и бележат раст од 8,8 отсто во однос на септември минатата година.

Повеќе од половина или 51,8 отсто се во денари, 48,2 отсто се девизни депозити. По видување се 51,1 отсто, а орочени депозити се 58,9 отсто.

Оданочувањето на каматите треба да почне од јануари следната година. Законското решение предвидува да се оданочуваат со 15 отсто доколку сумата надмине 15 илјади денари.  Банкарите бараат тоа да се одложи и да се применува кога ќе влеземе во ЕУ, бидејќи сметаат оти може да се случи граѓаните да почнат да ги повлекуваат парите од банките, додека најавите од министерката за финансии Нина Ангеловска беа дека се разгледува можноста и оти има волја.

 

 

 

 

2019-10-20 08:13:15, од Сузи Котева-Стоименова

ReplyForward


Поврзани содржини

Блокирани сметките на компанијата „Алта груп“ на Давор Мацура
18/11/2026 12:11
Хакери го нападнаа „Еквинор“, еден од најголемите европски снабдувачи со гас
18/11/2026 12:11
Андоновски: Оние што ќе ја користат вештачката интелигенција, ќе напредуваат побргу, другите ќе стагнираат
18/11/2026 11:11
Летово намалени откупот и продажбата на земјоделски производи
18/11/2026 11:11

Народна банка на Србија ѝ ја одзеде дозволата на Алта лизинг. Следи ликвидација
18/11/2026 10:11
Вкупно 22 пријави на повикот за финансиска поддршка за жени земјоделки од Кавадарци и Неготино
18/11/2026 10:11
Black Friday под лупа: каде навистина се најголемите попусти за мебел во Македонија
18/11/2026 09:11
„Нвидија“ нема да го врати Џенсен Хуанг на функцијата извршен директор
18/11/2026 09:11

Најчитани


  • Мира Марковиќ ќе биде кандидатка за претседател на Франција, номинирана од Анималистичката партија
    14/11/2026 22:09
  • Мицкоски отвори пресметка и со Кире Наумов за случувања пред 10 години
    13/11/2026 15:42
  • Обвинителството во Србија му забрани на газдата на Алта банка, Давор Мацура, да располага со имотот
    11/11/2026 23:07
  • „Имам голем проблем да барам од вас да го смените Уставот“: Сиљановска до пратениците
    17/11/2026 15:23
  • Врне на саемот „Вкуси ја традицијата преку домашна здрава храна“, но мириса на јаболка, вино, ориз…
    14/11/2026 13:25
  • Парите од Алта банка Србија исчезнале од финансискиот систем
    14/11/2026 17:32

© Независен Весник  2019 -2026

  • Импресум
  • Маркетинг
  • Услови за користење