Раководството на Баерн бара 100 милиони евра за Левандовски

Баерн Минхен нема намера да преговара за цена под 100 милиони евра за напаѓачот Роберт Левандовски, пишува во денешното издание „Кикер“.

Полскиот стрелец го бараат и Манчестер Јунајтед и Реал Мадрид, но има договор до летото 2021 година.

Според минхенското издание „Меркур“ пак, претседателот на „кралскиот клуб“, Флорентино Перез, споделил пред Карл-Хајнц Румениге дека не зборувал со претставниците на Левандовски.

Во август, напаѓачот на Баварците ќе наполни 30 години. За 121 натпревар во Бундеслигата, тој има 100 голови и 22 асистенции.