Фицо подготвен да се повлече од функцијата премиер на Словачка

Словачкиот премиер Роберт Фицо објави денеска дека понудил оставка на функцијата, што се случува по притисокот од опозицијата за справувањето со скандалот со убиството на новинарот Јан Куцијак.

– Денеска понудив оставка и ја доставив до претседателот на државата. Доколку тој ја прифати, подготвен сум утре да поднесам оставка и да назначам нов премиер, ако Претседателот се согласи да и даде на неговата партија Смер право да го избере следниот лидер на Владата.

Телото на 27-годишниот Куциак и неговата девојка Мартина Кушнирова беа пронајдени со прострелни рани на 25 февруари во нивниот дом.

Куцијак ги истражуваше активностите на италијанската мафија во Словачка и нејзините врски со лицата блиски до премиерот Фицо. Тој во последниот незавршен текст ги опишува активностите на членовите на криминалната организација Ндрангета во источна Словачка и поврзаноста на еден од нив со соработник на Фицо, како и на другите соработници на словачкиот премиер.

Американското Федерално истражно биро (ФБИ), британскиот Скотланд јард и Европол и помагаат на словачката полиција во истрагата за убиството на новинарот.