Барбра Стрејсенд го клонира миленичето

САД- Барбра Стрејсенд откри дека двапати го клонирала нејзиното куче Саманта, пред да почине минатата година на 14-годишна возраст.

Ѕвездата изјави во интервју за Variety дека зеле клетки од устата и стомакот на Саманта, за да создадат двата нови клонови. Значи, во моментов Барбра ужива во љубовта и посветеноста на Мис Вајолет и Мис Скарлет. Постапката била скапа, но сепак 75-годишната пејачка и актерка сигурно може да си ја дозволи.

„Двете кучиња имаат многу поинаков карактер. Ги чекам да остарат, за да видам дали ќе ги имаат кафеавите очи и сериозноста на Саманта“, вели Стрејсенд.

Иако тие се целосно бели, таа ги крстила со „обоени имиња“, бидејќи било исклучително тешко да ги разликува и ги облекува едното во виолетово, а другото во црвена облека.

Така дошле и нивните имиња – Мис Вајолет и Мис Скарлет.