Детали за тешката сообраќајка вчера во која загина тримесечно бебе

Околу 17:20 часот на регионалниот пат Кичево-Македонски Брод, помеѓу селата Србјани и Староец, се случи сообраќајна незгода во која учествувале возило „Фолксваген Голф“ со охридски регистарски ознаки, управувано од А.Д.(48) од Кичево, возило „Алфа Ромео“ со словенечки национални ознаки управувано од М.С. (52) од село Пласница и товарно моторно возило „Даф“ со кичевски регистерски таблички, управувано од Д.Д.(29) од Кичево.

Како што информира полицијата, на местото на настанот од здобиените повреди починало три месечно бебе.

Со тешки телесни повреди повреди се здобиле возачот на патничкото моторно возило Голф и сопатник во возилото Л.Б.(51), кои по укажаната лекарска помош во Медицинскиот центар Кичево се упатени во комплекс клиники Мајка Тереза во Скопје.

Со тешки телесни повреди се здобил и возачот на „Алфа Ромео“ кој бил префрлен во болницата „Свети Еразмо“-Охрид, а со телесни повреди се здобиле 13- годишно дете и А.А.(41), двајцата од село Пласница.

Увид на местото на настанот е извршен од страна на јавен обвинител од Основно јавно обвинителство Кичево и увидна екипа од Полициска станица Кичево.